વડાપ્રધાન નરેન્દ્ર મોદીની નવી કેબિનેટની પ્રથમ બેઠક યોજાઈ

(જી.એન.એસ) તા. 10

નવી દિલ્હી,

પ્રથમ બેઠકમાજ લેવાયો મોટો નિર્ણય 3 કરોડ નવા પીએમ આવાસ બનાવવામાં આવશે

મોદી સરકારના ત્રીજા કાર્યકાળમાં કયા મંત્રીને કેટલો હિસ્સો મળે છે તે જોવું રહ્યું. તમને જણાવી દઈએ કે મોદી 3.0 કેબિનેટમાં સામેલ કુલ કેબિનેટ મંત્રીઓમાંથી 25 ભાજપના છે અને 5 મંત્રી પદ સહયોગી પાર્ટીઓને આપવામાં આવ્યા છે.

અમિત શાહને ફરી સોંપાયું ગૃહ મંત્રાલય, અશ્વિની વૈષ્ણવને માહિતી અને પ્રસારણ મંત્રાલયની કમાન સોંપવામાં આવી છે. વૈષ્ણવ મોદી સરકારના બીજા કાર્યકાળમાં રેલવે મંત્રી હતા. મનોહર લાલ ખટ્ટરને ઉર્જા મંત્રાલય આપવામાં આવ્યું છે. આ સાથે તેમને શહેરી વિકાસ મંત્રાલયની જવાબદારી સોંપવામાં આવી છે. ખટ્ટર હરિયાણાના પૂર્વ સીએમ છે અને પહેલીવાર લોકસભા ચૂંટણી લડીને જીત્યા છે.

નીતિન ગડકરી – માર્ગ અને પરિવહન મંત્રાલય એસ જયશંકર – વિદેશ મંત્રાલય અશ્વિની વૈષ્ણવ – રેલ્વે મંત્રાલય રાજનાથ સિંહ – સંરક્ષણ મંત્રાલય નિર્મલા સીતારમણ – નાણા મંત્રાલય અમિત શાહ – ગૃહ મંત્રાલય મનોહર લાલ ખટ્ટર – ઉર્જા મંત્રાલય/આવાસ અને શહેરી બાબતોનું મંત્રાલય શિવરાજ સિંહ ચૌહાણ – કૃષિ અને પંચાયત રાજ મંત્રાલય કિરણ રિજુ- સંસદીય બાબતોનું મંત્રાલય મનસુખ માંડવિયા – શ્રમ અને રમત મંત્રાલય રામ મોહન નાયડુ – નાગરિક ઉડ્ડયન ભૂપેન્દ્ર યાદવ – પર્યાવરણ મંત્રાલય ધર્મેન્દ્ર પ્રધાન – શિક્ષણ મંત્રાલય

તોખાન સાહુ – શહેરી વિકાસ મંત્રાલયમાં રાજ્ય મંત્રી શ્રીપદ નાઈક – ઉર્જા મંત્રાલયમાં રાજ્ય મંત્રી હરદીપ સિંહ પુરી – પેટ્રોલિયમ મંત્રી રહેશે પીયૂષ ગોયલ- વાણિજ્ય મંત્રાલય શોભા કરંદલાજે- લઘુ ઉદ્યોગ રાજ્ય મંત્રી ગજેન્દ્ર શેખાવત – સંસ્કૃતિ અને પર્યટન મંત્રી સુરેશ ગોપી રાજ્ય મંત્રી- સંસ્કૃતિ અને પર્યટન ચિરાગ પાસવાન – રમતગમત અને યુવા કલ્યાણ મંત્રાલય સર્બાનંદ સોનોવાલ – પોર્ટ શિપિંગ મંત્રાલય શાંતનુ ઠાકુર- પોર્ટ શિપિંગ રાજ્ય મંત્રી

સીઆર પાટીલને જલ શક્તિ વિભાગ આપવામાં આવ્યો છે. જ્યારે ધર્મેન્દ્ર પ્રધાનને શિક્ષણ વિભાગની જવાબદારી સોંપવામાં આવી છે. જેડીએસના કુમારસ્વામીને ભારે ઉદ્યોગ અને સ્ટીલ મંત્રી બનાવવામાં આવ્યા છે અને પ્રહલાદ જોશીનો વિભાગ બદલવામાં આવ્યો છે. આ વખતે તેમને ફૂડ, કન્ઝ્યુમર અને રિન્યુએબલ એનર્જી વિભાગની જવાબદારી સોંપવામાં આવી છે. લખનૌથી સતત સાંસદ બની રહેલા ભાજપના વરિષ્ઠ નેતા રાજનાથ સિંહને ફરી એકવાર સંરક્ષણ વિભાગની જવાબદારી સોંપવામાં આવી છે.

મધ્યપ્રદેશના પૂર્વ મુખ્યમંત્રી શિવરાજ સિંહ ચૌહાણને કૃષિ અને ખેડૂત કલ્યાણ અને પંચાયત અને ગ્રામીણ વિકાસ મંત્રાલયની જવાબદારી સોંપવામાં આવી છે. નિર્મલા સીતારમણને ફરી નાણાં મંત્રાલયની જવાબદારી સોંપવામાં આવી છે.

વડાપ્રધાન નરેન્દ્ર મોદીની નવી કેબિનેટની પ્રથમ બેઠક શરૂ થઈ ગઈ છે. આ બેઠક લોક કલ્યાણ માર્ગ પરના વડાપ્રધાનના નિવાસસ્થાને યોજાઈ રહી છે. નવી કેબિનેટમાં શપથ લેનારા મંત્રીઓ આ બેઠકમાં હાજર છે.

વડાપ્રધાન તરીકે શપથ લીધા બાદ નરેન્દ્ર મોદીએ સોમવારથી કામ કરવાનું શરૂ કરી દીધું છે. પદભાર સંભાળતાની સાથે જ તેમણે સૌથી પહેલું કામ પીએમ કિસાન સન્માન નિધિના 17મા હપ્તા સાથે સંબંધિત ફાઇલ પર હસ્તાક્ષર કર્યા હતા. આ પછી તેઓ વડાપ્રધાન કાર્યાલયમાં અધિકારીઓને મળ્યા.

પીએમઓમાં અધિકારીઓને સંબોધિત કરતી વખતે તેમણે કહ્યું કે શરૂઆતથી જ તેમનો પ્રયાસ રહ્યો છે કે પીએમઓ સેવા અને લોકોની પીએમઓની સ્થાપના બને. પીએમ મોદીએ કહ્યું કે સરકાર એટલે તાકાત, સમર્પણ અને સંકલ્પની નવી ઉર્જા. મોદી કેબિનેટની પ્રથમ બેઠકમાં પીએમ આવાસ યોજનાને લઈને મોટો નિર્ણય લેવામાં આવ્યો છે. જે અંતર્ગત 3 કરોડ નવા મકાનો બનાવવાની મંજૂરી આપવામાં આવી છે.