[ad_1]
(જી.એન.એસ),તા.૧૬
નવીદિલ્હી,
સિકલ સેલ બીમારીને રોકવા માટેની દવા વિકસાવવા બદલ મનસુખ માંડવિયાએ PM Modi નો આભાર માન્યો છે, વડાપ્રધાન નરેન્દ્ર મોદી મંગળવાર, 27 જૂનથી સિકલ સેલ નાબૂદ કરવા માટે એક મોટું અભિયાન શરૂ કરશે. સ્વાસ્થ્ય પ્રત્યે ખૂબ જ ગંભીર ઈરાદો દર્શાવતા, આ સિકલ સેલ મિશન મધ્યપ્રદેશના શાહડોલમાં શરૂ કરવામાં આવશે. સિકલ સેલ એનિમિયા એ લોહીની ઉણપથી સંબંધિત રોગ છે જે નસોમાં અવરોધનું કારણ બને છે. આ એક આનુવંશિક રોગ છે અને પીએમ મોદી જે મિશન શરૂ કરી રહ્યા છે તેનો ઉદ્દેશ્ય 2047 સુધીમાં દેશને સિકલસેલ મુક્ત બનાવવાનો છે. કેન્દ્રીય નાણા પ્રધાન નિર્મલા સીતારમણે બજેટ 2023 માં સિકલ સેલ એનિમિયા રોગ વિશે જાહેરાત કરી હતી. જેમાં કેન્દ્ર સરકારે વર્ષ 2047 સુધીમાં ભારતમાંથી આ રોગને નાબૂદ કરવાનો લક્ષ્યાંક રાખ્યો છે.
કેન્દ્રીય સ્વાસ્થ્ય મંત્રી મનસુખ માંડવિયાના જણાવ્યા અનુસાર, દેશના 17 રાજ્યોમાં રહેતા 7 કરોડથી વધુ આદિવાસીઓમાં સિકલ સેલ ખાસ કરીને જોવા મળે છે. 2047 સુધીમાં સિકલસેલ મુક્ત થવા માટે, 7 કરોડથી વધુ આદિવાસીઓની તપાસ કરવામાં આવશે અને તેમને સિકલ સેલ કાર્ડ આપવામાં આવશે. તેમણે કહ્યું કે સિકલ સેલ માટે સ્ક્રીનિંગ ખૂબ જ જરૂરી છે. દરેક વ્યક્તિની તપાસ કરીને, વ્યક્તિ સિકલસેલથી પીડિત છે કે સિકલસેલ મુક્ત છે તે ઓળખવાનો ફાયદો એ થશે કે સિકલ સેલ રોગને ભવિષ્યમાં વધતો અટકાવી શકાય છે. વડાપ્રધાન દેશને સિકલસેલ મુક્ત બનાવવા જેવા ખૂબ જ મહત્વપૂર્ણ મિશનની શરૂઆત કરવા જઈ રહ્યા છે.
