કેન્દ્રીય રસાયણ અને ખાતર મંત્રી, શ્રી જગત પ્રકાશ નડ્ડા અને કેમિકલ્સ અને ફર્ટિલાઇઝર્સ રાજ્ય મંત્રી સુશ્રી અનુપ્રિયા પટેલે ફાર્માસ્યુટિકલ્સ વિભાગની સમીક્ષા બેઠકની અધ્યક્ષતા કરી

(જી. એન. એસ) તા. 15

નવી દિલ્હી,

કેન્દ્રીય રસાયણ અને ખાતર મંત્રી શ્રી જગત પ્રકાશ નડ્ડા અને રાજ્યમંત્રી (રસાયણ અને ખાતર) સુશ્રી અનુપ્રિયા પટેલે ફાર્માસ્યુટિકલ્સ વિભાગની સમીક્ષા બેઠકની અધ્યક્ષતા કરી હતી. વિભાગે ફાર્મા અને મેડીટેક સેક્ટરની વિસ્તૃત ઝાંખી રજૂ કરી હતી અને વિભાગની પ્રવૃતિઓ સહિતની રેગ્યુલેટરી ફ્રેમવર્ક અને ડિપાર્ટમેન્ટ દ્વારા અમલી યોજનાઓ પર વિગતવાર પ્રેઝન્ટેશન આપ્યું હતું. મંત્રીએ પ્રધાનમંત્રીના 2047 સુધીના વિકસિત ભારત એક વિઝન પર ધ્યાન ધ્યાન કેન્દ્રિત કરવાની જરૂરિયાત પર ભાર મૂક્યો હતો અને પંચવર્ષીય કાર્યસૂચિ અને 100 દિવસની કાર્ય યોજનાની સમીક્ષા પણ કરી હતી. પંચવર્ષીય યોજનામાં દવાની સુરક્ષા, તબીબી ઉપકરણોમાં આત્મનિર્ભરતા, જન ઔષધિ યોજનાના વિસ્તરણ અને દવાઓ અને સારવારને નાગરિકો માટે સસ્તું બનાવવા પર ધ્યાન કેન્દ્રિત કરશે.

કેન્દ્રીય મંત્રીએ એ પણ નિર્દેશ આપ્યો હતો કે ગુણવત્તા પર નવેસરથી ધ્યાન આપવું જોઈએ અને આગામી ત્રણ વર્ષમાં તમામ દવાઓ અને તબીબી ઉપકરણોના ઉત્પાદન પ્લાન્ટને વિશ્વ કક્ષાના ધોરણોમાં અપગ્રેડ કરવા જોઈએ.