નીટ પેપર લીક મુદ્દે રાજ્યસભામાં ચક્કર ખાઈ પડ્યા કોંગ્રેસ સાંસદ ફૂલો દેવી નેતામ, તાત્કાલિક હોસ્પિટલ લઇ જવામાં આવ્યા

(જી.એન.એસ) તા. 28

નવી દિલ્હી,

છેલ્લા ઘણા દિવસોથી દેશમાં નીટ ના પેપર લીક થવાના મુદ્દે અલગ અલગ રજૂઆતો થઈ રહી છે ત્યારે રાજ્યસભામાં વિપક્ષ પેપર લીક મુદે ગૃહમાં ચર્ચાની માંગ કરી રહ્યું છે. કોંગ્રેસ વતી મલ્લિકાર્જુન ખડગેએ ગૃહમાં ચર્ચાની માંગ કરી હતી. આ મુદ્દે રાજ્યસભા અને લોકસભા બંને ગૃહોમાં ભારે હોબાળો થયો હતો. નીટ પરના હોબાળા વચ્ચે કોંગ્રેસના રાજ્યસભા સાંસદ ફૂલો દેવી નેતામની તબિયત લથડી હતી અને તે બાદ તેમને તાત્કાલિક હોસ્પિટલ લઇ જવામાં આવ્યય હતા.

કોંગ્રેસ પાર્ટીના રાજ્યસભા સાંસદ ફૂલો દેવી નેતામ નીટ પેપર લીકના મુદ્દે ગૃહના વેલમાં વિરોધ કરી રહ્યા હતા. આ દરમિયાન તે ચક્કર આવતા નીચે પડી ગઈ હતી. આ પછી તેમને સંસદમાંથી એમ્બ્યુલેન્સમાં લઇ જવામાં આવ્યા હતા. સાંસદને RML હોસ્પિટલમાં લઇ જવામાં આવ્યા, વિપક્ષના સાંસદો પર RML માંજઈ રહ્યા છે. વિપક્ષના સભ્યોએ રાજ્યસભામાંથી વોકઆઉટ કર્યું છે.